Núna í sumar opnuðum við kattahótel í tengslum við Dýraspítalann í Garðabæ. Ef smellt er á linkinn sem er hérna með fréttinni opnast skjal með öllum upplýsingum um hótelið.
Við viljum þó benda á að allar upplýsingar og pantanir um hótelið eru eingöngu veittar í gegnum netfangið kattahotel@dspg.is
Ekki er hægt að hringja til þess að panta pláss eða fá upplýsingar. Vinsamlegast virðið það og sendið okkur línu á netfangið og við munum svara mjög fljótt.
Fyrir rúmum 20 árum var Dýraspítalinn í Garðabæ stofnaður í rúmlega 50 fm. húsnæði við Lyngás í Garðabæ. Stofnandi hennar var Bernharð Laxdal. Fimm árum síðar tóku núverandi eigendur Hanna María Arnórsdóttir og Jakobína Björk Sigvaldadóttir dýralæknar, við rekstri stofunnar og var hún stækkuð upp í 220 fm. og varð þá einn stærsti smádýraspítali á landinu.
Markmið félagsins er að leitast við að sjá dýrum sem þarfnast heimilis fyrir skjóli og stofna til þess dýraathvarf og að vinna almenning í landinu til fylgis og stuðnings við dýravernd.
Mun dýraathvarfið taka við öllum dýrum sem þarfnast nýs heimilis og reyna að finna þeim nýtt heimili.
Dýraspítalinn í Garðabæ hefur gert samning við nýtt fyrirtæki um sérbrennslu gæludýra.
Bálstofa dýranna er sérhæft fyrirtæki sem hefur yfir að ráða hátæknivæddum brennsluofni fyrir dýr og því teljum við það þjóna öllum okkar óskum um þá virðingu sem við viljum sýna okkar bestu vinum á leið þeirra yfir regnbogabrúna.
Mánudaga – Föstudaga verður opið frá kl. 08:00 – 22:00
Laugardaga verður opið frá kl. 10:00 – 13:00
Sunnudaga og helgidaga verður lokað.